(तर्ज - देख तेरे संसार की हालत)
आई जानकी बाई, लाई बत्तीसी देवे निमंत्रण आज ।
जीमण आईजो सो परिवार, मायेरो लाईजो धूमरे साथ ।। भाई भतीजों ने साथे लाईजो, लाईजे भावज साथ ।।
बेन भोणजा साथे लाईजो, और बेंदोयों ने साथ ।।
म्होरी बाई हरख करे है, गावे मंगलाचार ।।
जानकी बाई हरख करे है, भर मोतियन को थाल ।
माथे में बीरा मेमंद लाईजो, रखडी मे म्हारे हीरा जडाय ।।
कानो में बीरा कुण्डल लाईजो, गले में म्हारे दुलडी लाईजों ।
हाथों में बीरा गजरा लाईजो, पगलों में बीरा पायल लाईजो ।
अंग में बीरा चुंदड लाईजो, चुंदड में म्हारे तारा जडावजो ।
म्होरी नन्द बाई हरख करे है, गावे मंगलाचार ।।
जीमण आईजो सो परिवार, मायेरो लाइजो धूम रे साथ ।।
नोट: जानकी की जगह वर या वधू की माता का नाम लेना।
No comments:
Post a Comment