नीवतो तो भेजो म्हारां बाप रे ।। पीया ।।
गोरी थारा ये पियर नदीया छे आडी
कोई नही आवे थारा पिररो
पीया नदीया जी नदीया तो नाव चलाओ
जद म्हारा बिराजी पधारसीजी ॥ पिया ।।
गोरी थारा ये पियर डुंगर घणेरा
कोई नहि आवे थारा पीररो
पिया लेय कुदळीने डुंगर फुडाओ
जद म्हारा बिराजी पधारसीजी ॥ पिया ।।
गोरी थारा ये पियर चोर घणेरा
कोई नही आवे थारा पियररो
पिया खुट खुट उपर पोलीस खडा करो
जद म्हारा बीराजी पधारसीजी ॥पिया ॥
No comments:
Post a Comment