धीमी धीमी घोडी - हाकालो प्यारे बनाजी
धीमी धीमी घोडी हाकाल जोजी ... ॥धृ ॥
खामगांव शहर रा चार दरवाजा,
पैली दरवाजे थे जावजोजी,
पैली दरवाजे थारा पिताजी रा बंगला,
इनाम बक्षिस थे मांग जो जी
इनाम बक्षिस माय, गाड़ी मांगजो,
पछ थे परणबा जायजोजी... ।।१ ।।
खामगांव शहर रा चार दरवाजा,
दूसरे दरवाजे थे जावजोजी,
दूसरे दरवाजे थारा मामाजी रा बंगला,
इनाम बक्षिस थे मांग जो जी
इनाम बक्षिस माय, कंठी मांगजो,
पछ थे परणबा जायजोजी... ।।२।।
खामगांव शहर रा चार दरवाजा,
तीसरे दरवाजे थे जावजोजी,
तीसरे दरवाजे थारा जीजाजी रा बंगला,
इनाम बक्षिस थे मांग जो जी
इनाम बक्षिस माय, घड़ी मांगजो,
पछ थे परणबा जायजोजी... ।।३।।
अमरावती शहर रा चार दरवाजा,
चौथे दरवाजे थे जावजोजी,
चौथे दरवाजे थारा सुसराजी रा बंगला,
इनाम बक्षिस थे मांग जो जी
इनाम बक्षिस माय, बनड़ी मांगजो,
जोडीसू महल पधारजोजी ॥४ ॥
खामगांव की जगह वर के शहर का नाम लेना।
अमरावती की जगह वधू के शहर का नाम लेना।
No comments:
Post a Comment