बायासा

बायासा

बाया थे म्हारे आईजो पावणा, बाया भरने भादवडारी रात 

जिओ सातु बेना, जिओ सातुबेना नाडूल्यामे रम रही जिओ सातुबेना 

बाया उंचा तो घालू बेसणाऽ बाया लूळलूळ लागुली पाय, जिओ सातु बेना ॥२ ॥

बाया गाय दुवाडू छालरी, बाया भेस दुवाडू भुरटी 

बाया दूध परवाळूली पावऽ जिओ सातु बेना ॥२ ।। 

बाया चावळ रांधू उजळा बाया हरीया मुंगारी डाळ 

जिओ सातु बेना ॥३ ॥

बाया पोळी तो पोवु नवगजी बाया मिसरीरो मोहन घाल जिओ सातु बेना ॥४ ॥

बाया कर पचधारी लापसी बाया उपर लिलोडा नारळ 

जिओ सातु बेना ॥५ ॥

बाया घी भर लावू तोलडी, बाया पापड तळूली पचास जिओ सातु बेना ।।६ ॥

बाया आसट पासट सालना बाया चोसट पड्यारे बंगार जिओ सातु बेना ॥७ ॥

बाया थाळ परोसे जातरू बाया झांझररे झणकार जिओ सातु बेना ।।८ ।।

बाया बिजण पुररो बिजणो बाया ढळकंतो ढोळुली वार जिओ सातु बेना ॥९ ॥

बाया जीम्यातो चुट्या रूचरया बाया इमरत चळुये भराय जिओ सातु बेना ।।१० ||

बाया रोळी तो मोळी अंगचढे बाया सरस चुंदडीयारो बेस जिओ सातु बेना ।।११।।

बाया रात बसो कुँवा बावडी बाया दिनका उडो गिरनार जिओ सातु बेना ।।१२ ।।