गाय गवाडा से गोबर लाओ, होजी पीली तो लाओ सायब पोसरी
गङ्गा जमुना रो नीर मंगाओ, दोजी कस्तूरी सायब घोलणा
होजी माणक मोत्याँ रा चोक पुरावो, घालो सिंणासन बेसणा
जिओ जठे जठे बैठे दशरथजी रा छावा, कर बाई सोदरा आरती
आरती करतां देरज लागी राजिंद, मांड्यो रुसणो
जिओ चांदा रे चांदण माथो जी म्हायो, दिवले सीस गुंथाईयो
जिओ पेटीजी खोली ने कपडाजी पहन्या, साडीतो पहनी सांवटी
जिओ डाबोजी खोल्या ने गेणा पहन्या, नथनी पहनी जडाव की
जिओ हाथ माये झारी बगलमें पंखों, रिमझिम महल पधारिया
जिओ असवाडे उभी ने पसवाडे उभी, तोईयन बोल्या सायबा
जिओ काळा धोला बेला रो रथडो जुपायो, तोइयन बोल्या सायबा
जिओ छोटीसी नणदल पूछण लागी, किन दुःख चल्या भावज बापरे
जिओ कांचली रो कसणो बिडण लाग्यो, इन दुःख चाल्या बाई जी बापरे
जिओ पेटी रा कपडा खुटण लाग्या, इन दुःख चाल्या बाईजी बापरे
जिओ लिली सी घोडी ने लाल पिलाणी, रार्जीद लारे आईया
जिओ हाथज पकड्यो ने पोंच्याजी पकड्यो, चालो मोटारी जाई आपर
जिओ मारूजी हारया ने गोरा जीती, कलजुडो आयो रे संसार में
No comments:
Post a Comment