रातीजोगा
बहन मने सुपनो लाध्या हर सु मोंडी राजजी ।
इण सुपने रे कारणे मैं रात्यों रही जंजालजी ।।
आवोनी हरी बेठोनी हरी आवोनी सांवरीया म्हो पर कृपा करो।
माल-माल म्हारे मोती पोया, सजियो सोलह श्रृंगारजी ।
ठाकुरजी घरे पधारीया म्हारे कुछ वन लेखे लागोजी ॥
इंडवी री गोरडी नाम कढायो न्यारोजी ।
ठाकुरजी घरे पधारीया म्हारे सब कुछ लेवे लागोजी ।।
आवोनी हरी सपनों ।
बहन-बहन मने सुपनो हे लाध्यो है मने सुपनो हे लाध्यों है
म्हारे सुपने में देख्या देवी-देवता ।
जब रे ठाकुरजी हर गोंखे पधारया, रहूं छे तो दइयो मेवला बुडीया ।
जब रे ठाकुरजी हर तोरण पधारया ए तोरण मै तोरणीयो बधायसो ।
जब रे ठाकुर मायो कोसो पधारीया म्हारे मायो कोरयो पर हथलेवो जोडायसों ।
जब रे ठाकुर हर चंवरी पधारिया चवरयों में चंवर ढूलायसों ।
ब्रम्हा रे विष्णु बुलायसों, ऊपर पतर ढोलायसों,
जब रे ठाकुर हर परण पधारीया म्हारे जस रा ए ढोल घुरायसों.
No comments:
Post a Comment