सुरज सुरज करोये लुगाया । सुरजबाबो उगीयोजी
दुकानारो बेठन सुसराजीरा दरसन सुरजबाबो देवसीजी
रसोडारो जिमन सासुरो पुरसन सुरजबाबो देवसीजी आगुळदाणीने दिवर जिठाणी सुरजबाबो देवसीजी
कंठीरो फांसो देवरजीरो हांसो सुरजबाबो देवसीजी
आंगण ओटो खोळ्यामे बेटो सुरजबाबो देवसीजी
गव्हारी रोटी खोळ्यामे बेटी सुरजबाबो देवसीजी
एक सुपारीसा नवदस टुकडा सुरजबाबो देवसीजी
बाई सुंदराबाई करेरे मटरका सुरजबाबो देवसीजी
एक सुपारी आली लीली सुरजबाबो देवसीजी
बाई सुंदराबाई कान खसोली सुरजबाबो देवसीजी
एक सुपारी अरजे गरजे सुरजबाबो देवसीजी
बिराजी देवे भावज बरजे सुरजबाबो देवसीजी ।
No comments:
Post a Comment