कंवर थे म्हारे आइयो पावणा, कंवर भरने भादवडारी
राती नागणरा जाया बागामेंऽ, रे बगीचामेंऽ, रंगमेलामेंऽ,
जाळीरा झरुकामेंऽ, थाने आवेला केवडलारी बासऽ, ओ
फुल बाईरा बीरा बागामेंऽ ॥धृ ।।
कंवर उंचा तो घालू बेसणा, कंबर लुळलुळ लागुली पाव
ओ नागणरा जाया...।।१।।
कंवर गाय दुवाडूली छालरी, कंबर दूध कटोरारे माय,
ओ नागणरा जाया.... ॥२ ॥
कंवर दूध-कटोरो ठारीयो, कंवर फुलडारी सेज बिछाया
ओ नागणरा जाया.... ॥३॥
कंवर एक पियालो लुळ पिवो, कंवर दूजे पियाले छूट जाय
ओ नागणरा जाया.... ॥४ ।।
No comments:
Post a Comment