मेहंदी
आतो तुकतोडोरी मेंदी जी लाय, प्रेमरस मेंदी राचनी,
आतो सोवन सिलाड्या मेंदी बाट, प्रेमरस मेंदी राचनी,
गुजराती ओ कापड छान, प्रेमरस मेंदी राचनी,
गंगाजळ निरज कोळ, प्रेमरस मेंदी राचनी,
आतो रतन कचोळे मेंदी ओल प्रेमरस मेंदी राचनी, ।।१||
मेंदी देवो बहू राणादेरे हात, बहु रोयण देरे हात,
बहु रिद्ध सिध्द देरे हात प्रेमरस मेंदी राचनी, सूरजजी ओ
निरखे गोरीरा हात, चंदरमाळजी ओ निरखे गोरीरा हात,
बिनायकजी ओ निरखे गोरीरा हात, प्रेमरस मेंदी राचनी ॥२ ॥
'किन मांड्याओ सवागण थारा हात, प्रेमरस मेंदी राचनी,
म्हारी सुंदराबाई नणंद मांड्या दोनी हात, प्रेमरस मेंदी राचनी,
बाला लागे ओ सवागण थारा हात, प्रेमरस मेंदी राचनी,
थारा हात म्हारा हिवडा उपर राख, म्हारा जिवडा उपर राख,
प्रेमरस मेंदी राचनी, बाला लागे ओ सवागण थारा हात ॥३ ॥
No comments:
Post a Comment