बिरव (पिठी पिसे जब गावे)

बिरव (पिठी पिसे जब गावे)

आई आई बिरवडी म्हेतो जाणर लेश्या, गायारा गोबरसु म्हेतो निपर लेश्या

सखिये बदावो म्हारे आवियो, रळीये बदावो म्हारे आवियो ।।१ ।। 

आई आई बिरदडी म्हेतो बांधूली आबा, ब्याव पधारे रायजादीरा बाबा 

बाबाजी पधारे म्हारे लगन लिखावे, माताजी पधारे म्हारे सारनियो सुधारे ॥२ ॥

इनरे बिरदडी म्हेतो बांधुली आखा, ब्याव पधारे रायजादिरा काका 

काकाजी पधारे म्हारे भात दिरावे, ककिाजी पधारे म्हारे सारनियो सुधारे ॥३ ॥

इनरे बिरदडी म्हेतो बांधुली लाला, ब्याव पधारे रायजीदारा मामा 

मामाजी पधारे म्हारे मायरो भरावे, मामीजी पधारे चुंदडी ओठावे ॥४ ॥ 

इनरे बिरदडी म्हेतो बांधुली हिरा, ब्याव पधारे रायजीदारा बिरा

बिराजी पधारे म्हारे सेवरीया दिरावे, भावज पधारे म्हारे चुंदडी ओढावे ॥५ ॥ 

इनरे बिरदडी म्हेतो बांधुली मिठाई, ब्याव पधारे रायजीदारा बेनोई 

जिजाजी पधारे म्हारे ओठ बुवारे, बेनडली पधारे म्हारे आरतडी संजोवे ॥६ ।। 

इनरे बिरदडी म्हेते बांधुली रूपा, ब्याव पधारे रायजीदारा फूफा

फुफाजी पधारे म्हारे बनोळी कढावे, भुवाजी पधारे म्हारे लाड लडावे ॥७ ॥