आंबा जी पाक्या आंमली, जीओ पाकी आंबोल्यारी डाळ । बधावो म्हार आईयो जी ।।
थाका गोरा छगनलाल जी ओबर, जीओ आव सुगन्धी बास
थाक सासु बबां लाडली, जीओ चंदन घस सारी रात
चंदन घस, केसर घसे, जीओ किस्तुरी रो छेयन पार
जीओ कोराजी कळस्या जल भऱ्या, जीओ नकसी रा प्याला जी हात
जीओ धण पाव, राजींद पीव, जीओ दे दे गळा री डोडी आन
जीओ पोफाटी पगडो हुयो, जीओ देवोनी राजींद म्हान सीख
जीओ छाबा रा लाडू नीठया नहीं, जीओ नहीं देवाँ, सुंदर थान सीख
जीओ डाबा रा पान नीठ्या नहीं, जीओ नहीं देवाँ, गोरी थान सीख
जीओ दिवला री जोत झीगा भिगा, जीओ नहीं देवा, सायधण थान सीख
जीओ सेजां रा फुलडा कुमळ्या नहीं, जीओ नहीं देवा, गोरी थान सीख
जीओ नैना रो काजळ घुळ्यो नहीं, जीओ नहीं देवाँ, सुंदर थान सीख
जीओ मुखडा रो पान राच्यो नहीं, जीओ नहीं देवाँ, सायजादी न सीख
जीओ हातारी मेंदी राची नहीं, जीओ नहीं देवाँ, गोरी न सीख गोरी मनडा री बात हुई नहीं, जीओ नहीं देवाँ, सुंदर गोरी न सीख
जीओ सुतोडा कंवर जाग्य नहीं, जीओ नहीं देवाँ, सुंदर थान सीख
No comments:
Post a Comment