सुवापंखी
सोनो ये भल लावोजी बना, बनडीरे भवर घडाबोजी बना
म्हारा साचाजी बना, ये सुवापंखी ओढणी रंगावोजी बना,
ये वादळभरणी ओढणी । रंगायदोजी राज ।
ये ओढू तो दूरंग्या ओढू, नहीतर लप्पादार
ये परणू तो जोडीरा परणू, नहीतर अखंड कवार, म्हारा... ।।१ ।।
ये बाजरी तो घनी पिकी, कोई घर-घर घाली रखेती...
ये मलकापुर रा लुगायारे भांगामाये मोती, म्हारा... ॥२ ॥
ये गहुडातो घना पिक्या माये पडगी इल्या ये
जलगांव री लुगायारे कंदोरारे किल्या, म्हारा... ॥३ ॥
ये मुंबईसु काजु लाया, ईगतपूरीमें खाया
ये नासिकरो पानी पिया, खामगांव में आया म्हारा... ।।४ ।।
ये आंगलामें बंगलो, बंगलामें हत्ती
ये बनेरा ब्यावमाये बिजलीरी बत्यी, म्हारा... ।।५ ।।
No comments:
Post a Comment